Syahbirin, Gubernur Kalsel Di Bantu 7 Staf Khusus

Habar banua nang ini datang dari gubernur terpilih H.Sahbirin Noor, ujer habar nang kami himpun dari sejumlah media berita koran nang ada di banua, hidin mengangkat 7 anggota staf khusus, kikira model staf kepresidenan ngitu kalo lah. Tugas ke tujuh staf nang membantu Gubernur terpilih kita neh mambantui hidin sebagai penyeimbang sekaligus masuk kan gasan pemerintah nang hidin jalanakan sebelum di ambil keputusan.

Menurut mamarina barataan pas haja kalo lah keputusan hidin nanginih, apalagi ketujuh anggota tadi tamasuk orang nang familiar di banua kita neh, berikut dafa buhan nang batujuh :

1. Mantan Bupati Tabalog H.Noor Aidi ( Ketua Tim ).
2. Pengamat Hukum Pidana ULM BanjarMasin, H.syaifuddin.
3. Pengamat Politik Fisip ULM, Apriyansyah.
4. Pengamat Kebijakan Publik Fisip ULM, Taufik Arbain.
5. Mantan Sekdako Banjarmasin Zulfadli Gazali.
6. Agus Mawardi
7. Rijal Akbar.

Nah, nang batujuh to pang nang menjadi staf khusus pembantu Gubernur terpilih kita H.Sahbirin Noor, mudahan lancar haja jalan pemerintah nang di jalan kan hidin

Pian lagi mambaca habar nang judulnya :Syahbirin, Gubernur Kalsel Di Bantu 7 Staf Khusus Lamun asa di rasa parlu di katahui orang banyak, ulun enggeh haja lamun pian share.